أقوى ثلاث كاكاوات اكلتهم بحياتي

انا مدمن كاكاو وعاشق ومتيم فيه

ودايما في سفراتي في سفراتي احرص على تجربة محلات الكاكاوات واني ممكن اطيح على شي سنع

طبعا انا اقول الذ ثلاث كاكاوات هذا التقييم الحالي بحكم خبراتي في الاماكن اللي زرتها وجربت فيها مختلف الانواع

والصراحة اللي يتصدر القائمة اهو

1- Royce’ Chocolate

FullSizeRender 29لما ينقالك ( رب صدفة خير من ألف ميعاد )  فانا اصفه بهاذا المحل

ماكنت اعرفه ولا عندي خبر ولا ادري شسالفته

بس قبلها كنت مار كوفي اسمه ( بلو بوتل ( وانا طالع منه بالصدفة اشوف محل كشخه حييييل

الغريب ان المحل كان فاضي بس جذبني ستايله

المهم ، دشيتالمحل وقعدت اشوف ، وجذبني الكاكاو الفدج ( الفدج اللي يكون كاكاو خام ولكن لابد من وضعه داخل الثلاجه لكي يحافظ على قوامه ) المهم جربت الانواع اللي عنده

وطحت على هذا

FullSizeRender 42.jpg

الا وهو ناما ولكن بالدارك تشوكليت

يعني شي لا يوصف تحط قطعه بفمك ما ودك تبلعها وبنفس الوقت تعطيك شعور لا يوصف ، جنه اوفرر صح !! لا

صج حسيت بشعور عطاني المود اللي ابيه ، وحسيت بقوة الطعم و بلاغته بالمخ

البشرى السارة انه فتح له كم فرع في دبي و فرع في قطر فقط

2- Miss Fionkah

هاذي سالفة ان احد متابعيني بالسناب تحداني اني اجرب افضل كاكاو في العالم!! وانا قبلت التحدي لعشقي بالكاكاو

المهم ، يابلي من باجر صندوقين مليانين كاكاو

FullSizeRender 43.jpg

 

 

 

انا الصراحة خسرت التحدي

لأني ما كنت اتوقع الاقي منتج بيقاوم رويس ولكن خسرت التحدي وصج خامة الكاكاو شي يبجييي ما شاء الله

اهو كاكاو بلجيكي ولكن مصنع في الشرقية تحت اشراف نساء سعوديات

والصراحة انا كسعودي افتخر بوجود منتج ينافس كبار الشركات العالمية

نصيحة اطلب منهم واذا ما عجبك تعال تفاهم وياي

3- Choco maison

FullSizeRender 41.jpg

هذا الكاكاو كانت نقصه يايتني

والصراحة يوم شفت طريقة التقديم هنا وقفت له احتراما ، ليييه ؟؟

لأنه منتج سعودي واللي قايمه عالمشروع تسويه بالبيت عندها

الكاكاو وربي مهما وصفته ماني معطيه حقه

اللي حبيته بعد فيه ان عندهم انواع واشكال من الاضافات

يعني عندهم سولتد كراميل ، بالزعتر ( هذا حكاية ) ما ادري شلون يه على بالهم وانا يوم اكلته تلخبطت اوراقي لأنه يبجييي

وعندهم بالمستكة وانواع واشكال

يعني هم اذا ما عجبك تعال تهاوش وياي

رأيان حول “أقوى ثلاث كاكاوات اكلتهم بحياتي

اضافة لك

  1. السلام عليكم … اول شي مبروك ان شاء المدونه وربي يوفقك وعليك بالعافيه الكاكاو وان شاء الله تسنح لنا الفرصه ان نذوقه … اختك مرامي

    إعجاب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

المدونة لدى وردبرس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: