Best coffee | Top 3

هنا راح اعدد لكم افضل ثلاث قهوات شربتهم لحد الآن والقامة في تجدد

 

1- Blue Bottle | New york

FullSizeRender 15

اعتبر هاذي القهوة الذ قهوة جربتها بحياتي لحد الآن ، ليش ؛ لأن طعم القهوة يرد الروح تصميم الكوفي شوب برمته بسيط وشرح ومرتب ، عنده تحضير القهوة على اكثر من طريقة ، ولكن انا هبيت باللاتيه مالتهم شي يبجيييي

الكوفي موجود بامريكا باكثر من ولاية و ايضا موجود باليابان هذا اللي اعرفه لحد الآن

انا رحت فرعين في نيويورك وفيه غيرهم بس اذا رحت امريكا سو بحث ويطلع لك اقرب شي يمك

انصح باللاتيه ، واكو علبة جنها علبة لبن المراعي آب (التشبيه نااار ) يصير عبارة عن لاتيه بارد شي يبجيييي

2- Arabica % | Kuwait | Dubai

FullSizeRender 26.jpg

  هذا الكوفي يا احباب اول ما عرفته بالكويت ، لأان اول فرع فتح بره اليابان كان بالكويت

وقصة الكوفي طويلة ولكن اللي عجبني بالموضوع انه لاقى اعجاب ورضى الكثيرين واهو ببداياته ، سنة افتتاح الكوفي كانت ٢٠١٤

وحاليا بالكويت فتح له ثلاث أفرع ، وفرعين في دبي وقريبا بيفتح بالسعودية (الرياض والشرقية) وبيفتح بالبحرين و قطر واكثر من دولة حول العالم

يقدم كل انواع تحضير القهوة ، ويحضر الماتشا( جاي اخضر ياباني) وامتار بالارت لاتيه و السبانيش لاتيه اللي قلده بعده الكثيرين

انصح بالاتيه الحار او السبانيش لاتيه البارد

 

3-Pause | KuwaitIMG_2163.JPG

 

هاذي من المحلات اللي فتحت مؤخرا بالكويت ، والصراحة قهوتهم جبارة

بس لاتطلب اللي بالصورة اذا انت ماتحب الحموضة بالقهوة ، لان هاذي قهوة بالبرتقال

اللي انصح فيه عندهم اهو

١- سولتد كراميل

٢- هني اورجانيك كوفي (الاسم مو بالضبط جذي فيه شي ناقص) بس ناسيه

٣- تونيك شي جذيه اسمه

 

4- BRW | Kuwait | 360′ Mall

IMG_6550هالكوفي باختصار اطلب اي شي عنده لذيذ ، حلى ، قهوة ، اللي تبي

للمعلومية التشوروزه اللي بالصوره تيي مع الطلب ماكانت ذاك الزود

انصح حييل باللاتيه و بالايس كيوب لاتيه شي يبجييي

رأيان حول “Best coffee | Top 3

اضافة لك

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

المدونة لدى وردبرس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: