امريكا | نيويورك و ميامي و اورلاندو

…السفرة هاذي كانت بسنة ٢٠١٥ وتحديدا عقب عيد الفطر

طلعنا من البحرين على طيران الاتحاد وعقب من مطار ابوظبي الى نيويورك مباشرة ، السفرة كانت متعبة نوعا ما ولكن بحكم انك خاتم  جوازك وانت في ابوظبي هذا احسن شي ، وهذي ميزة طيران الاتحاد انك تستخدمة للروحه الى امريكا ، للمعلومية طيران الاتحاد كان متعاون مع شركة ثانية الا وهي جت ايرويز الهندية ، طيران جيت مستحيل اطلع عليه مره ثانيه لانه سيء من ناحية حالة المقاعد و الطاولة مالتي كانت مكسورة ويوم يه الاكل حطيت الاكل على ريولي ، بس كانوا خدومين الصراحة

المهم ، انا كان حلمي من يوم كنت صغير اني اروح الى نيويورك وهذا بسبب فيلم هوم الون الجزء الثاني ، هالفلم ممكن اسمعه من كثر مو شايفه

المهم اول ما وصلنا الى نيويورك ، والحلو كان موعد طيارتنا تمام لان وصلنا نيويورك الساعة ٩ الصبح فكان عندك انك تستغل البوم كله وما يروح عليك شي

  فندقنا اللي سكنا فيه ال ٤ ايام الاولى من سفرتنا كان هذا اهو  FullSizeRender 16الفندق كان الصراحة جميل وحلو و مودرن يعني كل شي تتحكم فيه عن طريق التابلت (يعني جهاز لوحي نفس الايباد) وميزته بعد انه قريب من التايمز سكوير كلش ما يبعد الا خمس دقايق مشي تقريبا

شوف شلون حجم الغرفة ومهما تخيلت الحجم فهو في الواقع اصغر بوااااايدFullSizeRender 18السرير لاصقف بالجدار و بالشباك

FullSizeRender 20.jpgهاذي الصورة بالضبط اول ما تدش الغرفة جذي يعني يمينك كبت صغيرون حق شخص واحد وبعده الحمام <اعزكم الله> وابشرك تراه جدرانه شفافه بالزجاج المثلج يعني توهقت يوم سكنت فيه ويا اخوي!!! و على يسارك المغسلة لانه ماكو مغسلة داخل الحمام، وبس هذا الوصف الدقيق للغرفة

الموووهييييم ، عقب ما وصلنا الفندق بدلنا وطلعنا الى التايمز سكوير لتلبية حلمي المنتظر

FullSizeRender 4الوضع كان فوووول خييي

ولازم ناخذ سيلفي من على الستيج اللي موجود بنص التايمز بين شارع برودواي و السفنث افنيو

FullSizeRender 8.jpgالمهم اللي يميز نيويورك انها شغل تسوق وتنق فلوسك طال عمرك

هبتي بالسفرة كانت لمحلين اكثر شي الا وهما

FullSizeRender 15.jpgقهوة بلو بوتل اللي للحين مالقيت حول العالم قهوة الذ منها <طبعا هالكلام اقوله عن نفسي فقط ، يعني انا لفيت وجربت لكن للحين ماطحت على شي الذ من بلو بوتل> اوكييي

هذا الكوفي له اكثر من فرع في امريكا و اهو فروعه بس في امريكا واليابان

طبعا اذا ودك تجربه وتبي تعرف مكانه احسن شي استخدم قوقل ماب عشان تشرف اقرب فرع يمك ، انا احب اروح الفرع المقابل ل براين بارك

والشي الثاني اللي بدت هبتي فيه ولكن ولله الحمد اني فتح هالمحل في دبي

FullSizeRender 9.jpgهذا اهو الشي اللي يخليك تبجي دموووع

اسم البراند رويس واسم الكاكاو اللي يخليك تبجي اهو ناما

الموهيييم ، وطبعل لبغني عن التعريف ابل ستور اللي يفتح ٢٤ ساعة طوال ايام السنة بدون استثناء

FullSizeRender 22.jpgالمحل ما ودك تطلع منه

واللي يذكر فيلم هوم الون الجزء الثاني ، يذكر ان كيفين راح فندق معين في نيويورك الا وهو فندق ذا بلازا

FullSizeRender 21.jpgاهو الفندق اللي مثلوا فيه هوم الون سنة ١٩٩٢م

وطبعا حبيت اني اشتسعر اللحظة فدشيته وقعدت باللوبي اتآمل الفيلم وذلبت كيكة كاكاو وقهوة بس ما كانوا ذاك الزود <يعني مايسوى الطعم> بس التجربة مانت حلوه

وجدام الفندق الحديقة الشهيرة سنترال بارك وحجمها جبير حيل واللي تبلغ مساحتها ٣.٤كم مربع ،  وفيها حتى حديقة الحيوانات

FullSizeRender 6.jpgايضا قعدت جدام الجسر اللي مثلوا فيه هوم الون يوم كيفين ويا راعية الطيور

عقب يومين سافرنا الى اورلاندورو

FullSizeRender 23.jpgاللي يميز اورلاندو ان فيها منتجعات وايده واحنا سكنا في منتجع شيراتون فيستانا

FullSizeRender 12.jpgالمنتجع كبير حيل وفيه خدمات كثيرة ولكن ماهو مودرن اهو على الطراز الامريكي الكلاسيكي

وماهو جديد ، بس الحلو فيه جنه شاليهات كل شاليه فيه على حسب اختيارك من الغرف

 احنا اخذنا غرفتين وصالة ومطبخ وفيه بلكونه على هاذي النافورة، ولكن للاسف بعض الصور للمنتجع راحت!!! حصل خير ولكن جبت لكم صور من بوكينج

IMG_1022هاذي الصالة

IMG_1024

المطبخ مالهم يونس جبير و الصبح تحس نفسك اجنبي وانت تحتسي قهوتك ، وترى اكو عندهم آلة قهوة بالفلتر

IMG_1023غرفة النوم الماستر وفيها جاكوزي بعد

IMG_1026.JPGوهاذي الغرفة بسريرين منفصلين

ترى شاليهاتهم كبااار جدا و الغرف كبيرة جدا ما شاء الله

IMG_1025المسبح مالهم ، وترى المنتجع فيه مسابح واااايده وهذا واحد منهم

وترى المنتجع فيه بقالة وفيه مطاعم ونوادي وكل الخدمات اللي تحتاجها

وزي ما قلتلكم ان اورلاندو اكثر شي عجبني فيها عالم ديزني

للمعلومية عالم ديزني اللي باورلاندو مساحتها تصدمك ، مساحتها عبارة عن مساحة مانهاتن مرتين

اصلا التنقل فيها بقطارات او سيارات ما تقدر على ريولك

وفيها كل شي يعني عبارة عن عالم لحاله يتفر فيه سبع مدن ملوت ديزني وفيها سكن و مطاعم وكل شي تحتاجه ، بس احنا فضلنا السكن بره لان ما ويانا يهال

FullSizeRender 25.jpgوالحلو فيها عروض ومسرحيات حللللوه لا تفوتها يعني يبيلك ثلاث ايام عالقليل عشان تلف اغلبها

حضرنا عرض فروزن وكان من اجمل العروض اللي دشيتها بحياتي، هم للاسف ماعندي صور لها

ولازم تحضر كل ليلة عرض الالعاب النارية اللي يكون عند القصر واظن تبدا الساعة ٩ مساء

ولاتنسى ايسكريم ميكي FullSizeRender 13.jpgهذا الشي دمار شامل و بتلقاه بكل مكان في عالم ديزني

الموهييييم

قعدنا اربع ليالي في اورلاندو وعقب توجهنا الى ميامي

FullSizeRender 10سكنا بمنتجع بعد اسمه دورال اهو ببداية ميامي يبعد عن الشاطئ ١٠ دقايق بالسيارة

عيب ميامي ان سكنها عادي جدا وغالي نوعا ما

حبيتها ولكن كنت اتوقع شي اكثر

الصورة اللي فوق كانت في شاطئ انديانا ، ومن كبر شاطئ ميامي فهو مقسم الى اقسام

طبعا لا بد من التان \FullSizeRender 7.jpgالبحر المقابل للشاطئ اهو المحيط الاطلسي ، وانا اصريت عالسباحة عشان هالشي < وترى احب السباحة بس مو اتشفق لها > هذا السبب اللي خلاني اسبح

عقب يومين في ميامي ردينا على اورلاندو و علطول عالمطار الى نيويورك

بس غيرنا الفندق بنيويورك وسكنا في فندق لندن ان واي سي

IMG_1019بس كان فرق السما عن الارض عن فندقنا الاولي في نيويورك

هذا كبر الغرفة مالته >بالغلط حجزنا جناح > بس يطرد فيها الخيل ما شاء الله

الغرفة كانت تصميم واضاءة ما ودك تطلع منه

IMG_1020انصح اللي يروح يسكن فيه بس شوي غالي و يبعد عن السنترال بارك حول ال ٥ دقايق

باختصار جدا هاذي رحلتي الى امريكا سنة ٢٠١٥

وان شاء الله القادم اجمل

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

المدونة لدى وردبرس.كوم. قالب: Baskerville 2 بواسطة Anders Noren.

أعلى ↑

%d مدونون معجبون بهذه: